Docklands 夜景

噚晚去大少爺屋企食晚飯,

食完飯落街行下消食！

香蕉 Pancakes

大老爺一早起身就喺厨房有攪作,

我就洗漱完就出去接手煎 pancakes.

又去食越南河

去開越南區買餸,

順便食碗越南河,

飲埋杯三色冰,

飽飽！

炒粒粒

蒸肉餅用剩咗半包豬肉碎,

今日用嚟炒粒粒。

椒鹽左口魚

大老爺鐘意食三文魚,

但係食得多都要轉下口味！

東菇燕麥麩蒸肉餅

好滑, 好滑,

從來未食過咁滑嘅蒸肉餅,

唔通加咗燕麥麩有咁嘅效果？

大老爺話係肉嘅問題,

以前我都係買 pork shoulder 叫肉佬幫我絞埋架啦,

蒸出嚟嘅肉餅都係實告喎！

下次再蒸唔知有冇咁滑呢？

孜然蝦

因為就快出門,

而家買餸都唔會大量入貨,

見到啲虎蝦平都係買夠一餐就算！

坐車車

星期六，

天氣回䁔，

二少爺帶仙芭和 Hunter 去狗公園玩，

兩位小朋友都好興奮。

飲茶@老北京

自從奶奶搬咗過嚟同我地住後,

同表弟婦聯络就有啲唔方便,

趁星期六奶奶要去 food court 會友,

我地静雞雞約表弟婦一家去飲茶。

咖喱雞

二少爺買埋一樽二樽醤又唔見佢煮,

佢唔煮我煮囉！

外賣

隔離阿婆一早就過嚟揾奶奶去行 Costco,

我同阿婆講千其唔好買麵包, 蛋糕, 餅干,

因為 Costco 嘅貨品份量太大,

食唔切又要益大口仔架啦！

阿婆去買燒雞,

奶奶聽阿婆講好食佢又買一隻,

Costco 嘅燒雞幾好食架,

8 蚊隻 1.4kg 燒雞都算抵食！

的士半價咭

同奶奶申請咗張的士半價咭,

咁姑仔過嚟時出入方便啲呀！

滷水雞腿

出城飲茶前已經攞定樽陳年滷水汁出嚟解凍,

煮時加啲绍酒, 老抽, 生抽, 

快, 靚, 正！

飲茶 @ 金輝 Docklands

阿蛋問我出城食德國腸好唔好,

唔好啦,

我都就嚟去德國玩啦,

大把機會食德國腸,

我都係鍾意飲茶多啲,

就佢地我地做大郷里出城去 Docklands 飲茶。

蝦醬炇火腩

又係清雪櫃時間,

喺冷宮摷咗包燒肉出嚟,

想起唔淑唔食嘅蝦酱炆燒肉,

一於就整呢個,

不過係易家版本！

飲茶@老北京

照例,

星期六同奶奶飲完茶,

放低佢喺 food court 同班老友見面。

粟米肉片長通粉

真大懵,

噚日炒飯開錯罐忌廉粟米,

咁今日我就用佢嚟煮餸！

蝦醬炒飯

一炒蝦酱真係成條街都聞到,

香噴噴呀！

泥漿浴

乾乾淨淨出去玩,

咁嘅鬼樣返黎,

激Ｃ我！

星洲炒米

今日做無飯煮婦,

食炒米粉！

橙香叉燒雞

手多多又做實驗啦,

用橙 + 叉燒醬焗雞,

味道唔錯喎,

有下次！

小友到訪

美少女帶四個月大嘅 Hunter 過嚟同仙芭玩,

一大一細好在都玩得埋,

咁我地放心将仙芭寄居在美少女家！

彈牙魚餅

又到清雪櫃時間,

摷到包魚柳,

本來想一次過剁哂佢,

不過呢輪啲手腳唔聽洗,

剁四塊已經係極限呀！

脆皮燒腩仔

今次買呢塊腩肉好大塊,

我將佢一開二,

實行一腩兩吃,

噚日用咗一半整紅燒肉,

另外一半今日整燒肉。

紅燒肉

一直以為紅燒肉係要醤油上色,

原來唔係架, 

紅燒肉嘅色水全靠用冰糖煮出嚟嘅糖水！

香辣雞扒 Peri Peri Chicken

二少爺鍾意嘗辣, 

咁我去開 Costco 就買咗一樽 1 公升装 嘅 peri peri sauce, 

二少爺真係乜野都用佢嚟做醮汁,

咁我都試下用佢嚟煮餸！

京醬肉絲

都唔明啲銀行咁漏氣,

7 月開始要報稅,

到８月仲未有2013 - 2014 財政年度嘅 bank statement,

我等住攞退稅啲錢去旅行㗎嘛！

生菜包

清雪櫃,

翠玉瓜, 紅甜椒名有一隻,

執出嚟炒埋一碟,

食生菜包！

易家叉燒

易家燒臘部又開爐啦,

大少爺返嚟執房,

我焗定啲叉燒比佢拎走！

燒汁炆牛肋骨

今次玩自煮燒汁,

除咗可以要嚟炆餸,

仲可以将燒汁料煮 15 分鐘至杰身,

用嚟醃肉或做醮汁都得架！

陳皮排骨

睇吾淑唔食教整陳皮五花腩,

我家大老爺對五花腩無興趣,

咁我用排骨煮囉！

煮排骨時忽然全屋黑哂,

唉！

又停電啦,

呢度停電真係時常都會發生,

所以屋企一定有洋燭存貨！