Cirque du Soleil

噚晚我和大老爺去咗馬場睇馬戲,

而家啲馬戲無動物䏲,

全部雜技表演,

不過都好精彩,

兩個鐘頭表演無冷場！

理解能力

如果主辦單位同你講,

每星期五嘅活動逢第五個星期就停一次,

你地會點去理解？

我嘅理解係參加咗四個星期,

第５個星期就停一次,

如此類推,

等我仲驚死唔記得,

喺個月曆度 mark 低 12345, 12345,

點知...

原來係如果嗰個月份有五個星期,

第五個星期就停一次,

唉！

講廣東話都聽唔明,

讀得書少,

連理解能力都低過人！

肉碎茄子

又買咗一隻大茄子,

加啲肉碎去煮,

濕濕地有汁好餸飯！

维修屋頂

舊年,

奶奶房頂發現有水積,

第一時間打電話去保險公司,

保險公司派人嚟睇過兩次,

终於話唔受保,

咁要自己揾人整,

報價要 A$1300 換４條 roof valley, 

噚日终於嚟開工嘞,

一日做唔完,

今日要繼續！

柱侯蘿蔔炆牛肋骨

大少爺鍾意食肉,

炆定大大煲牛肋骨等佢嘆！

泰式燒雞

大少爺和新抱仔返嚟食飯,

一早買定隻肥雞整泰式燒雞比佢地嘆！

梅醬蒸排骨

奶奶鍾意食梅子蒸排骨多過豉汁蒸排骨,

咁你地呢？

食晏@品珍

去越南區買餸,

順便食番碗特別牛肉湯河,

最鍾意有多多香草,

大大碟芽菜,

好食！

煙肉腸仔雞粒大鑊飯

今日偷懶,

一鑊過,

煮鑊大鑊飯,

香噴噴,

好味！

煙肉蝦仁撈意粉

後園嘅 basil 快高長大,

呢輪已經好努力摘啲葉嚟煮餸架啦！

食晏@金龍

今次食港式炒粉麵，

應該啱食啦！

三絲炒麵

煲粥炒麵一啲都唔簡單,

有好多野要切架！

醬燒豬面肉

上次整泰式豬面肉,

全家大愛,

今次去買餸,

唔見有豬面肉喎,

肉佬即刻起幾塊俾我,

今次唔整泰式,

做醤燒豬面肉,

一樣大受歡迎！

巨芒

15蚊一箱,

咁大隻,

點會唔買！

又去舊街食晏

落雨天,

大老爺又話去舊街食晏,

奶奶始終唔鍾意食咁濃味嘅馬拉食品,

睇嚟又要換地方食晏嘞！

炒粿條

炒麵

砂窩湯麵

印度咖喱雞配印度薄餅

喺 Costco 買咗包 roti,

梗係要煮餐咖喱嚟配佢,

以為好容易啦,

煎幾塊薄餅有幾難,

睇包装指示都好快啫,

每面煎分半鐘,

再用手拍鬆佢,

拔！

煎 12 塊薄餅,

每塊當５分鐘計,

咁就企喺廚房一個鍾,

重有！

啲薄餅一煎完就要用手拍鬆佢,

熱辣辣對玉手就遭殃啦！

剩低嗰半包 roti 我有排先會再掂嘞！

萬用醃粉焗排骨

得閒撈定樽萬用醃粉,

用嚟醃雞, 豬, 牛, 羊, 魚乜都得！

家常茄子

大老爺好鍾意食茄子,

我時不時都會煮嚟食,

好食但個樣唔靚,

所以好少 post 上嚟囉！

舊式煮茄子係要經油炸過,

我地咁健康梗係唔會咁做啦,

我只係将茄子落鑊炒,

但係一定要多啲時間将茄子炒透！

泰式豬面肉

呢度好少見到有豬面肉賣 ( 即係港人常吃嘅豬頸肉 )

上次去肉佬度買餸,

見到有就買咗 1kg 嚟試下！

食晏@舊街 O' town

真係估唔到,

老北京咁好生意都會轉手,

變咗間川菜館,

又少咗間飲茶嘅好地方,

老北京隔幾間鋪開咗間馬來亜餐廳,

咁我地又去試下,

食物大至都唔錯,

價錢平 PapaRich 少少,

不過 PapaRich 選擇多啲！

我嘅白咖喱雞麵,

白菌雞球大鑊飯

攞咗隻巨胸出嚟解凍,

點知二少爺話唔喺屋企食飯,

對著隻巨胸發呆,

要嚟點煮好呢？

不如煮有味飯嘞！

泰式燒雞

冷宮仲有 ７蚊兩隻嘅雞仔,

呢種 size 嘅雞仔啱我,

人少少一餐可以清哂！

香橙砵酒焗豬柳

噚日嘅天氣真係變幻莫測,

上午仲好好太陽,

天氣浩熱,

到下午,

個天仲好光喎,

又唔係好多雲,

拔！

個天不停打雷,

到下午３点,

终於風暴到嘞！

呢啲天氣,

停電係閒事啦！

果然,

一聲雷響就即刻停電,

我以為呢晚要食燭光麵包餐添！

好在到五點幾有番電,

咁要快手啲預備晚餐嘞！

香辣蜜糖雞翼

呢輪天氣好熱,

今日又話氣温會高達 38C, 

咁熱都唔想企喺廚房煮餸,

咁煮呢個 連汁帶料,

一盆過放入焗爐,

快靚正！

Vernice and Guy's Wedding

世姪女 Venice 和 Guy 有情人终成眷屬,

喜結良緣,

祝一對新人百年好合, 

永结同心！

炒雜燴

食剩啲羊肉要嚟點食好呢？

雪櫃仲有幾隻白菌, 半隻红椒,

加多３條西芹,

炒埋又一大碟嘞！

2015第一聚

2015年,

      墨爾本 blog 友第一聚, 

 
地點: Burwood East 金輝,

      人數:  4個家庭共13人

叉燒

2015 第一爐！

易䆥熱辣辣靚叉燒又出爐啦！

元旦晚餐

呢隻羊腿原先買嚟聖誕節食嘅,

後來買咗隻火腿,

大老爺話太多食物驚食唔哂喎,

留番隻羊腿新年先整嚟食！

新年快樂

一元復始,

萬象更新,

元旦佳節,

普天同慶！

祝各位有個豐盛 2015 年,

新年快樂！