午餐@ Isshin

最初醫生話要轉送奶奶去善終服務，

但係神跡出現，

又或者上面客滿,

奶奶嘅精神一日比一日好，

所以奶奶轉送咗去中途宿舍再等安老院床位，

噚日中場休息食完晏又再去參觀安老院呀！

蘿蔔炆豬手

末來會有好多支出，

慳得就慳，

我又嚟玩一豬手兩吃，

買咗一隻豬手，

加的冬菇，

用咗腦友記送我嘅星加波肉骨茶湯包，

煲咗肉骨茶比姑仔飲，

煲完湯嘅豬手和冬菇循環再用,

加隻蘿蔔用混醬去炆，

個個都讃好味！

印度咖哩牛肉

估唔到姑爺都鍾意食咖哩，

仲話多食咖哩對身體有益,

咁就易辦事，

以後可以煮多幾餐咖哩，

唔使諗到頭都大！

澳洲父親節

今日係父親節，

不過大老爺話唔慶祝嘞！

祝各位父親節快樂！

安老院

昨日中場休息飲完茶，

帶姑仔參觀之前介紹過嗰間全親豪華型安老院，

要A$500,000 按金，

我預咗啦，

已經通知地產要賣屋，

資產審核申報表已經寄出，

住安老院嘅費用要等政府審核過先知我地要出幾多錢。

但係,

要每日比多 25 蚊額外收費 ( 有線電視和上網 )

我就唔服啦！

無啦啦一個月要比多750蚊，

你估我識印銀子咩！

紅酒炆牛肉

原本夠食架，

大少爺過嚟攞郵包，

我緊係錫仔多個錫姑仔，

畢咗一大盒比大少爺拎返去做餸

是日晚餐

大少爺兩口子話過嚟食飯，

如果平時咁多人食飯我一定㨂出街食，

而家非常時期都係在家吃吧！