鋸扒 @ Squires Loft

二少爺揀咗去 Squires Loft 鋸扒同我慶生，

食完餐我地就車二少爺和美少女去機場，

佢地去日本玩兩個星期呀！

我唔食咁多嘞，只係叫咗個 200g eye fillet

大少和二少都食  400g Black Angus Porterhouse

生日午餐@ Shira Nui

大老爺放假但就可以早啲去探奶奶，

喂完奶奶食午餐後就輪到我地揾食，

大老爺話近近地去食日本野！

牛一

今日係我生日呀!

連續有好幾年呢段時候都同大老爺出咗去玩，

好耐都無同少爺們一齊慶生了,

今晚二少爺 booked 檯食飯同我慶生！

大老爺生日飯@ Steak Ministry

噚日係大老爺生日，

大老爺想去鋸扒多過食唐餐，

咁近近地揀咗去 Steak Ministry 食！

二少爺話大老爺生日要食豪啲, 叫大老爺食和牛,

最後由二少爺發版叫咗份 2kg Tomahawk steak 大家分嚟食

每人叫咗自己嘅牛扒汁

再叫咗份燒汁排骨,  2 份沙律和薯條

之後回家吃蛋糕

Happy! Happy! Happy!

大少爺和新抱仔去悉尼渡週末，

玩完返嚟話過嚟食飯，

二少爺和美少女又話過嚟食飯，

難得齊人食飯呀！

椰香咖哩燒雞

食得唔好嘥，

用醃雞料煮嘅特大一品鍋

脆皮燒腩

我一路斬雞一路豎起對耳仔聽二少爺和美少女追問新抱仔過程，

哈哈！

一心二用，

好在無斬埋的手指！

咁高興，

開支香檳慶祝吓！

做節！

今年真係好懶，

唔係好想煮大餐，

不過中秋係大節,

㸃都要一家人食餐飯。

早前減價入咗兩隻羊腿，

趁人多攞隻出嚟食咗佢，

我地唐人節食西餐!

無規定一定要食唐餐啫!

2.7kg羊腿用明爐BBQ 爐烤熟，非常之正

薯仔沙律好搶手

焗釀大蘑菇,

有人嫌少唔夠食

中秋節快樂

祝各位中秋節快樂

人月兩圓圓！

我地唔曬月光，

矖太陽！

咁啱㗎！

噚日，

我同大老爺去 IKEA 買個細櫃比奶奶擺衣服，

之後去肉佬度大入貨，

去開越南區梗係順便食埋越南粉啦，

啱啱坐落，

隔離檯來咗父女兩人，

開頭都無為意，

睇真啲咁熟面口嘅？

哈哈！

原來係美少女嘅父親大人和姊姊,

咁梗係即時過檯一齊食啦，

人地父親大人開口話二少爺仲未向佢提親喎，

咁！

二少爺識做啦！

新居

奶奶今日搬去新居呀,

新居環境唔錯，

今日第一日，

我地仲有免費午餐添！

二少喂嫲嫲食晏

免費午餐：

火雞肉

豬肉

甜品係麵包布丁

轉路線

行咗幾日同一路線，

試下行叧外一條路線，

唔行平路，行山路,

行到頂有個觀景台

晨運

無去晨運幾個星期，

唔可以再懶，

啲起心肝出去行番個圈，

姑仔未行過屋企附近嘅單車徑，

一行到去，

姑仔即刻感覺到大分別，

前面仲係住宅區，

後面就即刻變成大自然影色！

春江水䁔，

仲有雀鳥睇添！

揀咗呢間

經過一星期嘅頻撲，

睇咗十幾間安老院，

終於揾到間啱心水，

又近屋企嘅安老院，

申請表交咗嘞，

睇幾時可以將奶奶搬過去！

睇中呢款單人套房