又係碟頭飯

早前趁減價入咗啲三文魚，

魚都係唔好冰咁耐，

出門前要清咗佢。

上糧

去越南區買餸，

順便食埋越南河，

今次買肉比較多，

因為要同大老爺儲糧呀。

買完餸返屋企有排忙，

醃定幾盒梅子排骨，

盒面我仲寫明要蒸幾耐，

唔會出錯啦掛？

醃定啲叉燒，食完飯可以焗嘞

仲有牛腩下星期先炆，

盡人事，

整得幾多得幾多！

pancakes

真係好耐無煎 pancakes 食，

呢日良心發現，

一早起身整比大老爺食做早餐！

材料：
蛋兩隻打發
自發粉1杯
鮮奶1杯
糖1湯匙
橄欖油1湯匙後下


做法：
將所有材料拌勻, 最後加入油拌勻
燒熱平㡳鑊，轉中慢火，將 1/3 杯粉漿加入，煎至粉漿開始凝固及出現好多氣泡，反轉，
再煎多一分鐘即成

碟頭飯

焗咗兩隻大雞腿，

懶得斬，

成隻上，

食碟頭飯！

Melbourne Cup Day

墨爾本杯賽馬日係公眾假期，

一早我地帶埋仙芭去探奶奶，

停好車，

帶仙芭過對面公園跑吓先，

等佢搞掂埋大小二便先過去睇奶奶!

干炒肉片河

用肉片代替牛肉，

唔係唔食紅肉，

而係牛肉漲價得厲害，

慳家嘅我梗係邊樣平買邊樣啦！

香茅蝦

週末清理吓塊田，

剪咗一些韭菜和香茅，

就利用這些後園產品嚟煮晚餐。

材料：
King prawn 12 隻
香茅一支，只要白色部份，剁碎
蒜頭三粒剁蓉
紅辣椒一隻切幼粒
芫荽一棵切碎
紹酒1湯匙
魚露1湯匙


做法：
蝦去腸洗淨。瀝乾水份，落鑊煎熟，取出侍用
用同一隻鑊，下油，爆香香茅，落蒜蓉爆香，
蝦回鑊兜勻，贊酒及魚露，兜勻，
加入紅椒，芫荽兜勻即可上碟

同場加映韭菜芽菜炒魚豆腐