韭菜餅

韭菜真係長剪長有，

今日又剪咗啲嚟煎韭菜餅

材料：

韭菜一把切碎

粉漿：

麵粉1杯

蛋1隻

五香粉 1/4 茶匙

水 1杯

鹽 3/4 茶匙

做法：

先將粉漿拌勻，將韭菜加入拌勻

燒熱平底鑊，下水許油，分次把 1/3 杯粉漿加入煎至兩面金黃至熟即成

韭菜煎餅

天氣一暖，

田中嘅韭菜就快高長大，

趁嫩要剪咗佢嚟食!

村料：
韭菜一把切粒
臘腸2條切粒
蛋2隻
自發粉一杯
鹽 3/4 茶匙
古月粉
水 3/4杯至1杯


做法：
臘腸落鑊爆香，取出待用
自發粉加蛋，水，鹽，古椒粉拌勻至稀糊狀,
加入韭菜，臘肉拌勻
取半杯粉漿落鑊煎至兩面金黃即成

番薯糖水

因為怕肥,

N 年無煮過宵夜啦,

大老爺恨食紫番薯,

佢自己買咗一大隻返嚟,

我早幾日又買咗橙色番薯,

咁用兩種番薯嚟煲糖水。

呢度嘅紫番薯同香港嗰啲唔同種,

皮白肉微紫,

價錢略貴而且只在唐人舖有售,

咁多年都無買過嚟食,

今次食過,

發現紫番薯仲好食過橙番薯喎！

翠玉瓜煙肉蛋餅

臨出走前清雪櫃,

除咗黃牙白可以留外,

其他嘅蔬菜都清哂佢,

費時擺到爛！

煲咗番茄雜菜湯,

仲有幾隻翠玉瓜刨絲做蛋餅．

家常茄子

大老爺好鍾意食茄子,

我時不時都會煮嚟食,

好食但個樣唔靚,

所以好少 post 上嚟囉！

舊式煮茄子係要經油炸過,

我地咁健康梗係唔會咁做啦,

我只係将茄子落鑊炒,

但係一定要多啲時間将茄子炒透！

素炒雞髀菇

食得肉多,

今餐食素,

清清腸胃！

姑仔話佢未試過用雲耳炒餸,

返去要試下喎！

西芹炒魚片

因為有兩樣隔夜餸, 

所以炒個菜就夠食嘞！

加啲木耳絲爽口啲呀。

炒粒粒

蒸肉餅用剩咗半包豬肉碎,

今日用嚟炒粒粒。

生菜包

清雪櫃,

翠玉瓜, 紅甜椒名有一隻,

執出嚟炒埋一碟,

食生菜包！

番茄煮牛肉

雪櫃已經有一袋番茄,

二少爺又買一袋返嚟,

有咁多番茄要快啲食咗佢先得啦！

一品鍋

好耐無打過魚滑,

心思思想食就即刻去摷啲魚柳出嚟解凍,

今晚食一品鍋。

番茄白菌煮蛋

番茄煮蛋,

呢個餸老幼咸宜啦掛！

雪櫃仲有幾隻蘑菇,

切片加埋落去炒,

加大個碟頭！

炒粒粒

好耐無食炒粒粒,

上次去買餸買定一包五香豆干,

加埋雪櫃其他材料,

咁又炒出一大碟嘞！

雞髀菇炒雞球

二少爺又話要食雞胸肉減肥,

仲話要自己煮,

等我拎咗塊雞胸肉出嚟解凍,

佢又去咗美少女度,

橫掂我餐飯餸未有著落,

就用咗塊雞肉先嘞！

材料：
雞胸肉一塊切件
雞髀菇一包切厚片
紅甜椒半隻切塊
蒜頭２粒
薑２片


調味料：
蠔油1 湯匙
生抽半湯匙
糖半茶匙


做法：
雞肉用生抽 1 湯匙, 少許老抽, 绍酒, 油略醃
燒紅鑊, 下油, 將雞肉炒熟, 取出待用
另起鑊爆香薑片, 蒜頭, 将雞髀菇落鑊兜炒片刻, 加入红甜椒兜勻, 贊酒,
加入1/3 杯水, 調味料兜勻, 煮至滚, 兜炒片刻,
将雞肉回鑊兜勻即可上碟

蕃茄煮滑蛋

臨時要加餸,

真係神仙都無乎！

好在都仲有幾隻蕃茄,

咁就煮味家常餸,

蕃茄煮滑蛋！

肉碎茄子

去買餸,

見到新品種茄子,

咁就買兩隻嚟試下！

金不換蜜糖菇菇雞

見白菌平又入咗兩包,

點整好呢？

屋企種咗啲金不換 ( Thai Basil ),

摘咗啲嚟做配菜.

炒土豆絲

買咗一大袋薯仔,

用咗啲要嚟炆餸,

醒起隔離屋時常炒土豆絲,

咁我又想試下,

炒土豆絲真係打斧頭餸,

兩大隻薯仔就炒出一大碟,

炒土豆絲一定要炒得爽脆先好食,

唔好炒得過腍呀！

南瓜軟餅

   今年元宵節撞上情人節,

中西情人節同一日,

祝各位有個甜甜蜜蜜情人節！
。
。
。

前日劏咗隻南瓜,

用咗 1/3 嚟焗,

剩下咗啲今日煲南瓜雞蓉粥,

仲整埋南瓜軟餅添,

拔！

啲南瓜仲未用哂,

剩咗嗰啲-------------

唔想日日都食南瓜,

點算好呢！

健康餐

二少爺話新嘅一年要活得健康啲,

除咗運動外仲要食得健康喎,

噚晚,

大老爺返下午班,

原本我就唔煮飯炒米粉食,

二少爺話佢同美少女放工買野返嚟煮,

叫我等食得嘞！