送舊迎新

2013年即將過去,

跟著迎接 2014 嘅來臨！

2013  blog 界嘅大事莫過於 yahoo blog 嘅倒閉,

令到我地一班腦友流離失所,

好在大部份嘅腦友記都在 Blogger 重聚,

有好多腦友都自己好努力咁將 yahoo 舊網誌搬過嚟 Blogger,

我就懶呀等 Yahoo 幫我搬,

不過就唔知要等幾耐呀！

因 Yahoo 停止運作,

腦友記以前 bookmark 咗我嘅食譜因而自動失踪,

唔怕！

仲有地方可以揾到我嘅舊網誌架！

http://www.dimcook.com/psun57/blog

祝各位有個愉快 2014 年,

事事順境,

身體健康！

又係越南美食

其實今個星期係唔使去 Springvale 越南區買餸嘅,

不過大老爺想去食越南粉,

咁就順便去肉佬度入貨！

大老爺嘅燒雞檬, 配埋個魚露汁真係正

蝦豬肉米纸卷

我嘅三色冰

特別牛肉湯河

表姪女的婚礼

28-12-2013

恭喜 Ada & Moses 百年好合永结同心

聖誕禮物

今年嘅聖誕礼物.................

有得食又有得玩呀！

。

。

。

呢份係二少爺和美少女送嘅！

其實最好嘅礼物係二少爺喺下個月完成一年嘅實習後,

就正式做上班一族嘞,

今年市道唔好,

畢業生好難找工作,

我地都担心咗幾個月,

好在二少爺爭氣,

一天光哂！

惹味大蝦

一早就買定啲 XXL 大虎蝦過節,

長過手掌架,

咁拎去 L 姐平安夜 party 就唔會失禮啦！

聖誕午餐

每年聖誕節易家都會舉行 BBQ午餐,

今年仙芭無份食,

因為獸醫話佢對牛肉, 蛋, 芝士過敏要介口兼食藥呀！

聖誕前夕晚餐

24 号晚,

我地去 L 姐屋企 開 party,

本來我好準時架,

但係收到電郵,

國泰做特價,

回港機票只係 A$650包税,

從未試過咁低價,

梗係即時上網訂購霸位先啦！

搞掂張機票先出門口,

所以我遲大到呀！

冬至晚飯

今年無叫啲親朋戚友過嚟食飯,

只係我地一家人做冬,

咁就簡簡單單煮幾味就算嘞！

冬至快樂

冬至大過年！

祝各位冬至快樂！

醬爆排骨

大老爺放完假又做回上班一族,

咁即係洗衣房嘅装修工程就唔知要等到幾時先完成啦！

薯仔炆豬軟骨

早幾日先至投訴這個夏天似冬天咁凍,

嗱！

噚日即刻熱比你睇,

嘩！

39.9 度

夠熱未？

Pavlova

Pavlova 係用蛋白做成嘅甜品,

外脆內軟,

加上用大量水果做餅面, 

真係好吸引,

有腦友記問攞食譜,

梗係無問題啦！

話明先, 呢隻 pavlova 係 L 姐兩公婆嘅製成品

婦女會聚餐

因為各有各忙,

我地呢個婦女會已經有三年無聚會啦,

今次 L 姐發起要攪個午餐聚會,

聚會地點在 Net 家,

除咗一名成員,

個個都擁躍參加！

主人家整咗啲辣味朱古力曲奇,

辣辣地幾好味！

芝芝手撕雞

睇電視真係可以學到好多野,

睇到芝芝姐整手撕雞,

一於跟！

生炒糯米飯

雖然係夏天,

但係一啲都唔熱,

仲凍凍地,

怱然好想食糯米飯,

即刻起身去浸糯米！

蕃茄炒蝦球

喺冷宮摷到兩包唔同 size 嘅蝦,

包包都係得一啲啲,

咁攞哂出嚟炒埋一碟,

哈！

又搞掂一餐嘞！

田園雞煲

無諗過去 IKEA 要用咗成個下午,

回家途中又遇著大塞車,

返到屋企都差不多六點了,

二少爺話咗返嚟食飯,

咁貨都唔落住就衝入廚房煮晚飯先呀！

做咗咕喱!!!!!!!!!!!!

噚日陪大老爺去 IKEA 入貨,

去到醫肚先！

唔記得帶張 IKEA 咭,

無著數添,

全部要比正價！

無水蒸沙薑雞

巡 blog 睇見網友用鑄鐵鍋無水蒸雞,

咁我又嚟玩下啦！

叉燒

好耐無食過叉燒,

一係唔整;

一整就大大碟！

有興趣就一齊嚟食啦！

Granny flat

相見好, 同住難！

隔離阿婆兩佬唔想同女婿住,

申請咗十幾年嘅公屋终於批咗落嚟,

買好哂傢俬搬入去唔夠幾日,

老人家又驚有乜頭暈身熱無人照應,

又唔想搬出去住啦,

呢度做事真係易話為,

話唔要公屋要間 granny flat 又照批喎！

間屋仔政府負責起,

一星期租金大约 A$100 /星期

起碼要租 12 個月,

唔住嘅時候有人嚟拆走！

間屋仔唔錯架,

一房一廳一廚一衛,

話咁快唔使一個星期就起好,

等油完油就可以入伙嘞！

塔吉羊肉煲

仲有半隻羊髀肉,

問大老爺想食燒羊肉定係炆羊肉,

大老爺即刻話用 tagine 嚟炆,

牛扒餐

其實早前買定啲牛扒係留待聖誕 BBQ 架,

但係大老爺話間屋七國咁亂,

所以今年唔請客,

只係屋企人食一餐！

咁我之前儲落嘅牛扒就要拎出嚟食咗先嘞！

又行 IKEA

行雷閃電,

大風大雨,

無所事事,

大老爺提意去行 IKEA,

最主要係去睇廚櫃,

前文已經提過裝修洗衣房,

做乜會去睇廚櫃呢！

咪就係因為小女子愛好濕平,

太多雜物無地方擺放,

所以就要喺洗衣房做多兩個廚櫃擺雜物嘞！

報佳音

前晚食完晚飯,

就聽到屋前傳來聖誕樂聲,

原來係救世軍嘅團員來報佳音,

一啲團員在奏樂,

一部份人員逐户去送上來年嘅年曆,

當然係要隨緣樂助,

前晚天氣和暖,

但係天有不測風雲,

呢兩日又凍番啦,

今早得 7C,

總之呢個夏天非常冷！

咖喱羊肉煲

記唔記得早個星期我買咗兩隻羊髀呀,

我將一隻羊髀起肉,

用咗一半嚟煮咖喱

無錫排骨

無錫排骨係要炸過先炆,

拔！

大家都知我唔鍾意炸野,

所以我將排骨出咗水就算嘞！

干炒牛河

好耐無炒過干炒牛河,

見大老爺做工程得咁辛苦,

就炒碟佢嘅至愛比佢嘆！

酸辣豬扒

攞咗２塊梅頭豬扒出嚟解凍,

見樽 piri piri sauce 仲有一次份量,

就用咗佢嚟醃肉嘞

装修

大老爺仲未放完假架,

見仲有時間,

大老爺又身痕嘞,

屋企嘅洗衣房搬入嚟咁耐都未整過,

係時候要整整佢喇！

呢邊牆會做哂櫃

陳醋焗雞

今晚又係得兩佬食飯,

咁就簡單啲,

食碟頭飯咋！

塔吉鍋蒸蝦

今餐又係用 tagine, 塔吉鍋 煮食,

快靚正！

惹味排骨

Tagine 塔吉鍋,

真係好好用,

愈用愈鍾意,

只雖要用慢慢火,

利用煮食時水蒸氣上升至蓋頂冷卻後再變成水滴嘅原理,

只需要加少少水,

煲煮出嚟嘅餸菜真係原汁原味架！

香草焗雞翼

去旅行時買咗啲 Hungarian paprika,

不過未開嚟用住,

用埋屋企啲存貨先！

上倉

返咗墨市一個星期,

终於將冷宮嘅存貨清哂,

咁！

我又出去活動活動,

四圍去巡吓,

唔洗問都滿載而歸啦！

3 包 T-bone

新玩具

返到嚟墨市,

大昏迷咗一日,

抖足精神先可以清理行李,

大老爺喺  Bosnia 愛上飲土耳其咖啡,

咁點會唔買套傢生返屋企玩喎！

Dinner @ Le Gaulois French Restaurant

22-11-2013

呢日係我和大老爺结婚 32 週年,

以往呢個時候都在香港和一班朋友慶祝,

禮物？

無架！

大老爺話年年同我去旅行,

已經係禮物嚟喎！

今年,

都老夫老妻,

唔使搞咁多 "花臣",

只係兩佬拖手仔去食飯慶祝！

大老爺揀咗 La Gaulois 呢間法國餐廳,

餞別宴

15-11-2013

呢日係回澳嘅前一日,

我地一早约埋啲姑姐食飯,

當然係去老爸嘅飯堂海港啦！

呢度嘅全包宴好抵食！

一日兩場 ( part 2 )

大老爺嘅舊同事從加國回港渡假,

知到我地又喺香港,

於是打電話嚟约我地去聚舊,

拔！

大老爺老人痴呆病發,

居然唔知人地係乜水,

猛咁問人係邊個,

我唔抵得接咗電話聽,

一聽把聲就知係邊個啦,

抵大老爺比人鬧！

呢日约埋九記班舊同事喺荷李活廣場金滿庭食晚飯

一日兩場 (part 1 )

14-11-2013

在回港航機上, 

鬼仔已經约咗大老爺呢日去鴨寮街作最後衝刺,

仲以為呢日要做獨孤氏添,

好在妹妹攞咗半日假陪我行街食晏,

近近地我地去咗黄埔食泰菜,

順便濕平！

叫咗個２人套餐.

2013高雄墾丁自由行之旅 : 高雄

 13-11-2013

呢日食完早餐,

我地就 check out 兼寄存行李,

然後搭捷運去駁二藝術特區和愛河,

我地去台南咁多日都係天陰陰,

到我地走嗰日就出大太陽,

氣温升至 30度,

太熱太曬,

行咗一陣就返酒店嘆免費咖啡呀！

等到夠鐘就搭捷運出機場嘞,

再見高雄！

2013高雄墾丁自由行之旅 : 高雄 Day 2

12-11-2013

高雄

呢日我地分開男女兩組,

男组去行電腦街,

女组去濕平,

我和同學仔搭捷運去三多商圈站,

一出捷運站就先行大遠百貨,

再行 Sogo, 三越,

行到夠鐘就返酒店會合,

休息一陣,

嘆完咖啡,

就上酒店嘅悅品中餐廳食晚飯,

呢間餐廳啲服務和出品都非常抵讚！

呢餐豐富啲, 補番噚日嘅生日飯！

鴛鴦香檳骨

2013高雄墾丁自由行之旅 : 高雄 Day 1 ( part 2 )

11-11-2013

遊完佛光山,

司機就車我地去蓮池潭,

2013高雄墾丁自由行之旅：高雄

11-11-2013

高雄：佛光山

呢日約咗司機 9:30am嚟酒店接我地出高雄，

蔡先生又好好人買定四盒水果請我地食！

出到高雄第一站就去佛光山。

2013高雄墾丁自由行之旅 ：墾丁 Day 2. (Part 2 )

10-11-2013

墾丁

食過午餐我們就去港口大沙漠，

好刺激，

玩 ATV 都係我地四個人嘅第一次，

仲要 90度直角衝落山坡，

1000新台幣一架車抵玩！

　

2013高雄墾丁自由行之旅 ：墾丁

10-11-2013

墾丁 Day 2 ( part 1 )

呢日我地約咗司機蔡先生 9:30am 嚟酒店接我們

第一站船帆石