同住難

同住難,

同老人家住更難,

同唔正常嘅老人家住難上加難！

可能,

唔使幾耐,

我都會被逼得變唔正常！

忍！

要忍,

只係我啲忍工有限！

要借用聾耳陳隻耳,

要變成啞口無言,

要亦步亦趨,

唉！

日子無法過！

蒜蓉香草雞

邊樣平就買邊樣,

呢隻新鮮雞六蚊有找,

所以呢輪我都會買嚟食！

香辣雞塊

行 Costco 有好多試食,

食過佢嘅 Buffalo wings 好好味,

隔離屋沙莉問個汁點整,

等我返去研究下先！

今次無用雞翼,

用咗雞髀肉整,

就奶奶唔敢整太辣,

個汁好正,

全家大讃！

食晏@ 發記

呢輪同奶奶食晏都係去飲茶,

今次唔去飲茶啦,

去發記食炒粉麵,

講開呢間發記,

廿幾年前初移民過嚟時,

呢區嘅唐餐館唔多,

咁佢嘅燒鴨都好食,

所以一到 5:15pm 晚市開,

啲人已經排隊等買燒鴨,

而家今非昔比啦,

成條街都係唐餐館,

競爭力好大,

而家我都改咗去金龍買燒鴨食！

牛雜王

肉絲炒麵

啲麵炒得太腍, 啱奶奶食,

但係我鍾意脆身啲囉！

 味菜火鴨絲炆鴛鴦米

翠玉瓜炒韓式牛肉

始终都唔捨得俾 60 蚊入會做 Costco 會員,

隔離屋沙莉係會員,

我同佢講下次去開就車埋我去,

前日终於跟車去咗一趟,

又買咗一堆野返嚟,

上次大老爺食過韓式牛肉話好味,

今次我又買咗一盒。

一盒都幾多架,

1.4kg,

分咗四盒,

要嚟做急餸就 very good！

蕃茄煮滑蛋

臨時要加餸,

真係神仙都無乎！

好在都仲有幾隻蕃茄,

咁就煮味家常餸,

蕃茄煮滑蛋！

脆皮燒腩仔

大少爺和新抱仔返嚟食飯,

梗係要整大少爺嘅至愛,

靚靚脆皮燒腩仔佢嘆啦！