攞回鄉証

21/9/2013

回港前已經上網 book 咗時間換領回鄉証，

之前都聽過影證件相嘅限制多多，

所以都係去到中旅社先影嘞，

我地提前半小時到達，

去到第一時間去影証件相先，

要除眼鏡影，

頭髮唔可以遮住耳朵，

唔可以露出牙齒，

終於

一張醜陋非常嘅相出咗嚟，

唉！

而呢張相會跟隨我十年呀！

搞掂咗啲手續就去搵食，

喺旺角實在太多選擇，

揀咗去居樂屋食日本野


大老爺嘅滑蛋鰻魚飯套餐

我嘅䀋燒鯖魚飯套餐

食完野就開始購物大行動，

其實係大老爺購物，

我係陪行咋!

大老爺買咗一支長鏡頭，外置閃光燈, 腳架 ball 頭,

仲有外置硬碟,

仲有，仲有.......

買到夠鐘又去食下一餐嘞!